Заедно за почиста и поубава животна средина
Грижата за животната средина започнува со конкретни дела. Токму затоа, Еко Флуид, во соработка со АСУЦ „Боро Петрушевски“ и ЗОО Скопје, реализираше иницијатива за уредување и освежување на дел од живеалиштата на животните во ЗОО Скопје.
За реализација на активноста, Еко Флуид обезбеди бои и други материјали за работа, а учениците од АСУЦ „Боро Петрушевски“ активно се вклучија во бојадисувањето на оградите на живеалиштата.
Преку оваа активност, учениците имаа можност своите практични знаења и вештини да ги применат во реална средина, но и директно да придонесат кон уредувањето на просторот во кој престојуваат животните.
Ваквите активности придонесуваат кон зголемување на јавната свест за важноста на зачувувањето на природата, одговорното постапување со отпадот и спречувањето на загадувањето на животната средина.
Оваа соработка испраќа важна еколошка порака дека секој од нас има улога во зачувувањето на природата и создавањето почиста и поздрава животна средина. Особено е важно да се подигне свеста за одговорното управување со отпадот, вклучително и правилното постапување со отпадното масло, чие несоодветно отстранување може негативно да влијае врз почвата, водите, животните и целокупниот екосистем.
Со заеднички активности, знаење и одговорен однос кон природата, можеме да направиме позитивна промена – чекор по чекор, за подобра средина за сите.
