Изминатиот викенд  ЕКО ФЛУИД  во Охрид одржа едукативни промоции за потребите од рециклирање на отпадните масла и бенефитите од истите.

Треба да знаеме дека еден литар отпадно моторно масло одложено во почвата доведува до трајна неплодност на почвата, и истото преку почвата може да се влее и во природните води!

   Треба да знаеме дека еден литар отпадно моторно масло одложено во водите загадува 1.000.000 литри вода!

   Треба да знаеме дека палењето на отпадните моторни масла ослободува јаглерод моноксид, сулфурни и азотни оксиди, метан, тешки метали и сл… кои се особено опасни по здравјето на луѓето и животните!

Градот Охрид првенствено е значаен културно и историски град кој заедно со Охридското езеро се заштитени од УНЕСКО, и со овие едукативни промоции придонесовме до зголемување јавната свест кај населението и туристите, а со тоа да си ја зачуваме правилно природата.

Едукативните промоции се одржаа на 03- ти август каде што денески беше опфатено крајбрежјето на Охирдското езеро кое што во овој период е полно со туристи.

Нашите стручни лица преку интерактивни прашања и комуникација со присутните на плажите извршуваа едукација колку е значајно правилно да се постапува со отпадните масла. Секој учесник во оваа едукација беше награден со симболичен подарок, реквизит за спортски игри во вода и на плажа.

Во вечерните часови беше поставен пулт во центарот на Охрид каде што се продолжи едукацијата со зголемен интензитет, каде што луѓето дополнително се информираа за работењето на ЕКО ФЛУИД , посветеноста на компанијата во правилната имплементација на рециклирањето на отпадните масла. Се делеа најразлични еколошки подароци кои се за секојдневна употреба кои што секој ден ќе ги потсетуваат граѓаните за значењето и придобивките од рециклирањето на отпадните моторни масла.

ЕКО ФЛУИД им благодарим на сите посетители за нивната заинтересиранот и поддршката за нивната мисија.